Сув хўжалиги соҳасида илмий-тадқиқот лойиҳалар танлови!
Сўнгги йилларда сув ресурсларидан самарали фойдаланиш, сув ресурсларини бошқариш тизимини такомиллаштириш, сув хўжалиги объектларини модернизация қилиш ва ривожлантириш бўйича изчил ислоҳотлар амалга оширилмоқда. Бироқ глобал иқлим ўзгариши, аҳоли сонининг ва иқтисодиёт тармоқларининг ўсиши, уларнинг сувга бўлган талаби йил сайин ошиб бориши туфайли сув ресурсларининг тақчиллиги йилдан-йилга кучайиб бормоқда.
Ўзбекистон Республикаси Президентининг 2023 йил 20 июндаги “Маъмурий ислоҳотлар доирасида сув хўжалиги соҳасида давлат бошқарувини самарали ташкил қилиш чора-тадбирлари тўғрисида”ги ПФ-101-сонли Фармонининг 11-бандида “Агробанк” АТБ томонидан сув хўжалиги соҳасидаги илмий-тадқиқот ва тажриба-конструкторлик ишларини қўллаб-қувватлаш мақсадида грант маблағи ажратилиши белгиланган.
Мазкур Фармонда берилган топшириқлар ижросини таъминлаш мақсадида Сув хўжалиги вазирлиги “Агробанк” АТБ билан ҳамкорликда қуйидаги:
Танлов Ўзбекистон Республикаси Вазирлар Маҳкамасининг 2020 йил 9 мартдаги “Илмий-тадқиқот ва инновацион фаолиятни ривожлантиришнинг норматив-ҳуқуқий базасини янада такомиллаштириш чора-тадбирлари тўғрисида”ги 133-сонли қарори билан тасдиқланган Низом талабларига мувофиқ амалга оширилади.
Сув хўжалиги соҳасида илмий фаолиятга оид амалий ҳамда инновацион лойиҳаларни шакллантариш бўйича намунавий шакллари билан танишиб чиқиш мумкин.
Танловда илмий-тадқиқот ва олий таълим муассасалари, уларнинг таркибида ташкил этилган илмий тадқиқот лабораториялари ҳамда Ўзбекистон Республикаси ҳудудида илмий тадқиқотларни амалга ошириши мумкин бўлган бошқа илмий ташкилотларнинг лойиҳалари қатнашади. Лойиҳанинг илмий раҳбари тегишли илмий даражага эга бўлиши шарт
Сув хўжалиги соҳасида илмий фаолиятга оид амалий ҳамда инновацион лойиҳалар innovatsiya@minwater.uz электрон почтаси орқали жорий йилнинг 12 январидан 31 январь куни соат 23:59 га қадар электрон шаклда қабул қилинади.
Лойиҳалар плагиат (antiplag.uz) текширувидан ўтказилиб innovatsiya@minwater.uz электрон почтасига юборилиши лозим.
Лойиҳаларнинг асл нусхалари сканердан ўтказилиб, лойиҳани тўлиқ матнини pdf ва word шаклида innovatsiya@minwater.uz электрон почтасига юборилиши лозим.
Лойиҳанинг тасдиқланган тўлиқ матнини pdf, плагиат хулосаси ва тўлиқ матнини word файлларни архивлаб юбориш тавсия этилади. Жумладан:
Сув хўжалиги вазирлигига ижрочи ташкилот раҳбарияти томонидан имзоланган йўлланма хат;
ижрочи ташкилотнинг илмий (илмий-техник) кенгаши қароридан кўчирма;
амалий ёки инновацион лойиҳа матни тўлиқ (имзо ва муҳр қўйилган ҳолда).
Лойиҳа матни А4 форматдаги стандарт қоғоз варағининг икки томонида жойлашиши ва қоида тариқасида 1,15 интервал оралиғида ёзилиши лозим. Ҳар бир бет юқоридан ва пастдан 2 см; чапдан 3 см; ўнгдан 1,5 см ҳошияга эга; хатбоши 1,27 см. га тенг ва бир хилда бўлиши лозим. Матнни тайёрлашда “Тimеs Nеw Rоmаn” 12 ўлчамли шрифтда “Мiсrоsоft Wоrd” матн редакторидан фойдаланиш тавсия қилинади. Бетлар титуль варағидан бошлаб охирги вараққача изчил кетма-кетликда рақамланади. Бетнинг тартиб рақами варақнинг пастки ўнг бурчагида 2 рақамидан бошлаб ёзилади. Титуль варағига 1 рақами қўйилмайди. Лойиҳанинг ҳар бир талаб қилинган ҳужжати ва бошқа таркибий қисмлари янги бетдан расмийлаштирилади.
Лойиҳа раҳбарининг мезонларда талаб қилинган илмий ишлар рўйхатига (охирги 3 йил давомидаги нашрлар қуйидаги хронологик тартибда келтирилиб, кетма-кетликда рақамланади) мувофиқ ҳолда расмийлаштирилади ва муаллиф, илмий котиб томонидан имзоланиб, ташкилот муҳри билан тасдиқланади.
Тақдим этилган лойиҳалар танлов талабларига риоя қилинганлиги, лойиҳа материалларининг ишончлилиги ва ҳаққонийлиги, кўчирмачиликка (плагиат) йўл қўйилмаганлиги, талаблар асосида шакллантирилганлиги бўйича Сув хўжалиги вазирлигининг илмий техник кенгаши томонидан техник экспертизадан ўтказилади.
Техник экспертизадан ўтмаган лойиҳалар танловнинг кейинги босқичига тавсия этилмайди.
Лойиҳалар Илмий техник кенгаши томонидан илмий экспертизадан ўтказилади. Иккита экспертга берилиб, уларнинг ҳар бирининг хулосалари 60 баллдан юқори баҳоланса илмий экспертизадан ўтган ёки 60 баллдан паст баҳоланса илмий экспертизадан ўтмаган ҳисобланади. Агар экспертлардан биттаси 60 баллдан юқори баҳоласа, иккинчиси 60 баллдан паст баҳоласа, лойиҳа учинчи экспертга берилади.
Илмий экспертизадан ўтмаган лойиҳалар, танловнинг кейинги босқичига тавсия этилмайди.
Лойиҳалар Илмий техник кенгаши томонидан молиявий экспертизадан ўтказилади.
Тақдим этилган лойиҳаларнинг долзарблиги, соҳадаги аниқ муаммолар ечимига қаратилганлиги, янгилиги, натижадорлиги, лойиҳа материалларининг ишончлилиги ва ҳаққонийлиги Илмий техник кенгаши томонидан муҳокамадан ўтказилади.
Кенгаш муҳокамасида маъқулланган лойиҳалар Илмий техник кенгаш хулосаси орқали молиялаштиришга тавсия этилади.
Тақдим этилган лойиҳалардаги маълумотларнинг ҳаққонийлиги, натижадорлиги, тўлиқ ва ўз вақтида бажарилишига лойиҳа раҳбарлари ҳамда бажарувчи ташкилот раҳбарлари жавобгар ҳисобланади.
Эслатма: Танловда ғолиб деб топилган лойиҳалар тўғрисида маълумот www.suvchi.gov.uz ва www.agrobank.uz веб-сайтларида тақдим этиб борилади.
Мурожаат учун телефонлар: 71 202-47-85; 71 202-47-77.