Ирригация тизимлари ва йирик гидротехника иншоотларидан фойдаланиш борасида 2023 йилнинг 3 ойи давомида амалга оширилган ишлар тўғрисида маълумот
Жорий йилда вазирлик тасарруфидаги 5343 км узунликдаги хўжаликлараро ирригация тармоқларини тозалаш, 5269 дона гидротехника иншоотлари ва 5 257 дона гидропостларни таъмирлаш режалаштирилган. Шунингдек, жами 81 717,0 км узунликдаги хўжалик ички суғориш тармоқларини (шундан 17 566 км қисмини механизм ва 64 151 км қисмини қўл кучи ёрдамида) тозалаш, улардаги 13 940 дона гидротехника иншоотлари ва 13 651 дона гидропостларни таъмирлаш ҳамда 19 407 дона фермерларнинг сув олиш қулоқларини жиҳозлаш ишлари белгиланган.
Биринчи чорак якуни билан жами 1 987,0 км узунликдаги хўжаликлараро ирригация тармоқлари тозаланиб, 2 123 дона гидротехника иншоотлари ва 2 026 дона гидропостлар таъмирланган.
Шу билан бирга, 29 018,0 км узунликдаги хўжалик ички суғориш тармоқларида тозалаш ва улардаги 5 222 дона гидротехника иншоотлари ва 5 245 дона гидропостларда таъмирлаш ишлари олиб борилиб, 6 663 дона фермерларнинг сув олиш қулоқлари жиҳозланган.
Ирригация тизимларидан фойдаланиш ва
халқаро алоқалар бошқармаси